monumenta.ch > Alanus de Insulis > sectio 46
Word Selection for Searching
Report an Error in this Sectio
Alanus de Insulis, De planctu naturae, p1, p22, 46
Nam cunctas si spargat opes, si munera fundat
Dives, et in laudem spiret, tentetque favorem
Munere lucrari, tamen huius muneris auctor,
Ductor et auriga nisi sit discretio, nullus
309 Fructus erit, quoniam laudem non dona merentur,
Sed potius mercantur eam, nisi facta decenter
Discrete fuerint, pro munere namque frequenter
Laus datur hypocrita, famae simulatio falsa,
Simia laudis, horum umbratilis umbra favoris.